Dünyanın qabaqcıl avtomobil markalarından biri olan Peugeot, üstün texnologiyaya malik yenilikçi modelləri ilə böyüməyə davam edir. Sənayenin gələcəyinə sərmayə qoyan şirkət 2023-cü il üçün qlobal satış nəticələrini açıqladı. 

Fins.az xəbər verir ki, şirkətin qlobal satışlarının 28,2 faizini təşkil edən AB29 xaricində güclü böyüməsi davam edərkən, Peugeot son 15 ildə 17 ölkədə ən yüksək bazar payına çatdı.

Yeni nəsil elektrikli avtomobilləri ilə seqmentlərinə hakim olan Peugeot, elektrik modelləri ilə AB29 bölgəsindəki ümumi satışlarının 18 faizini əldə etdi.

Peugeot CEO-su Linda Jackson markanın güclü satış məlumatlarını qiymətləndirərək, “2023-cü il üçün son dərəcə rəqabətli bir mühitdə satışlarda 6% artım və beynəlxalq həcmdə təxminən 1 ballıq artım elan etməkdən qürur duyuram. Peugeot markası E-208 və E-2008 adlı iki modeli ilə Avropada elektrik B seqmentinə liderlik etməyə davam edir və elektrikli kommersiya avtomobillərində birinci yerdədir" dedi.

Peugeot 2023-cü ildə genişlənmiş Avropa regionunda 811 min 722 ədəd satış və 5% bazar payı əldə etdi. Brendin E-208 modeli AB29-da elektrik B-hetçbek seqmentinin lideri olaraq 2023-cü ili tamamladı. Peugeot isə keçən il həm elektrik B seqmentində, həm də yüngül ticari avtomobil seqmentində zirvədə idi.

Günel Məlikzadə
Fins.az