Bilirik ki, Tesla bir müddətdir öz superkompüter layihəsi olan Dojo üzərində işləyir. Yeni layihənin təfərrüatları da ortaya çıxıb. Nyu-York qubernatorunun verdiyi açıqlamada Tesla superkompüterinin büdcəsi və ölçüsü açıqlanıb.

Fins.az xəbər verir ki, Nyu-York qubernatoru Keti Hochul Teslanın Nyu Yorkdakı fabrikində yeni superkompüter quraşdıracağını bildirib. Şirkətin Dojo adlandırdığı yeni layihəyə 500 milyon dollar sərmayə qoyulacağı bildirilib.

Dojo superkompüter layihəsi Tesla-nın sürücüsüz nəqliyyat vasitələrinin inkişaf etdirilməsi səylərini inkişaf etdirmək məqsədi daşıyır. Maskın şirkəti tərəfindən hazırlanmış superkompüter sürücüyə yardım sistemlərini gücləndirən süni intellekti öyrədir. Bu məqsədlə nəqliyyat vasitələrindən gələn videoları emal edir.

Mask daha əvvəl Dojo layihəsinin “uzunmüddətli mərc” olduğunu bildirmişdi. Yeni superkompüterin Nyu-Yorkda yerləşdirilməsi qərarı Teslanın öz fabrikini daha da genişləndirmək istədiyini göstərir. Zavod əvvəlcə SolarCity panelləri istehsal etmək üçün tikilmişdi, lakin bu gün müxtəlif məqsədlərə xidmət edir.

Maska görə, yüksək səviyyəli süni intellekt sistemi üçün 500 milyon dollarlıq investisiya kifayət etməyəcək. X-dakı bir yazıda o, bu il təkcə Nvidia GPU-larına 500 milyon dollardan çox xərcləyəcəklərini söylədi. O qeyd edib ki, sürücüsüz süni intellekt vasitələrinin yaradılması "ildə bir neçə milyard dollara" başa gələcək.

Superkompüter Tesla-nın uzunmüddətli avtonom idarəetmə məqsədinə nail olmaqda mühüm rola malikdir. Bununla belə, layihənin nə dərəcədə uğurlu olacağını zamanla görəcəyik.

Günel Məlikzadə
Fins.az