BYD Türkiyə baş direktoru İsmail Ergün avtomobil sənayesinin 2023-cü ildəki performansı və kreditə çıxışla bağlı qiymətləndirmələr edib.

Fins.az Bloomberg-ə istinadən xəbər verir ki, Ergün 2023-cü ilin əvvəlində avtomobil bazarında, əsasən, tədarük zənciri və çip tədarükündə problemlər olduğunu bildirdi.

İkinci əl qiymətlərin yeni avtomobillərin qiymətlərini aşdığı bir dövr yaşadıqlarını ifadə edən Ergün, “Son vaxtlarda tədarük problemi yaşanmadı. Oktyabr ayında belə bir dövrü geridə qoyduq və o, yenidən rekordla bağlandı. Yüngül ticari avtomobillərin və avtomobillərin sayı təxminən 100 mini keçib. Deyəsən, bu il rekordla başa çatacaq. Görünür, bu, təxminən 1 milyonu keçəcək və 1 milyon 100 min civarında bağlanacaq" deyib.

BYD-nin 2022-2023-cü illərdəki performansı ilə bağlı açıqlama verən Ergün, "BYD çip və yenilənə bilən enerji qaynaqları istehsal edən bir şirkətdir, hər gün 19 patent müraciəti edir və 15 patent müraciəti təsdiqlənir" dedi. Ergün çıxışında BYD-nin 6 qitədə 70-dən çox ölkədə fəaliyyət göstərdiyini və şirkətin ötən ili 1,9 milyona yaxın avtomobil satışı ilə dünya lideri olaraq tamamladığını bildirib.

Günel Məlikzadə
Fins.az