Bu ilin mart ayı ərzində Azərbaycanda minik avtomobilləri bazarında bahalaşma qeydə alınıb.

Fins.az-ın Dövlət Statistika Komitəsinə istinadən verdiyi xəbərə, minik avtomobillərinin orta aylıq satış qiyməti mart ayı ərzində 0,1%, onların ehtiyat hissələrinin qiyməti 0,4%, velosipedlərin qiyməti 0,2% artıb. Ötən ilin mart ayı ilə müqayisədə isə qiymətlərdə müvafiq olaraq 0,6% azalma, 1,2% və 2,7% artım qeydə alınıb.

Rəsmi məlumata əsasən, yanvar-mart aylarında isə minik avtomobilləri üzrə illik 1,4% ucuzlaşma, ehtiyat hissələrində illik 1,0%, velosipedlərdə isə illik 2,8% bahalaşma müşahidə olunub.