Yeni nəsil böyük Toyota Tundra-nın təzə render şəkilləri istifadəçilər üçün əlçatan olub.

Fins.az xəbər verir ki, avtomobilin aktual generasiyası on üç ildir ki, bazarda mövcuddur. Yapon istehsalçıları artıq yenilənmiş Toyota Tundra pikapını yaratmaq üçün fəal iş aparırlar, lakin model haqqında ətraflı məlumat gizlidir. Əvvəllər yol sınaqlarında avtomobili aşkar etmək mümkün olsa da, sıx kamuflyaj banda müəyyən dəyişiklikləri gizlədib.

Bununla belə, rəssamlar Toyota Tundra pikapının ehtimal olunan variantlarından birini təklif etməyə müvəffəq olublar. Qeyd olunur ki, baş optikası RAV4 krossoveri ilə oxşardır, radiatorun qəfəsləri isə Toyota Tacoma Pro-dan alınıb. Modelin çıxışının təxmini vaxtı hələ ki, məlum deyil.

© TED