Azərbaycan nümayəndə heyəti Niderlandın aqrar təhsil müəssisələrinin, kənd təsərrüfatı şirkətlərinin və aparıcı təsərrüfatların fəaliyyəti ilə tanış olub
Niderland Krallığında səfərdə olan Azərbaycanın kənd təsərrüfatı naziri Məcnun Məmmədovun rəhbərlik etdiyi nümayəndə heyəti bu ölkənin aqrar təhsil müəssisələrinin, kənd təsərrüfatı şirkətlərinin və aparıcı təsərrüfatlarının fəaliyyəti ilə tanış olub.
Azərbaycan nümayəndə heyəti əvvəlcə Niderlandın kənd təsərrüfatının müxtəlif istiqamətləri üzrə ixtisaslaşmış peşə-ixtisas təhsili müəssisəsi olan AERES kənd təsərrüfatı məktəbinin maddi-texniki bazası ilə tanış olublar. Məktəbdə bakalavr və magistratura, peşə təhsili üzrə 100-ə yaxın kurs və təlim proqramı mövcuddur. Bu təhsil müəssisəsində ölkə iqtisadiyyatının prioritet sahələrindən birinə çevrilmiş aqrar sahə üzrə yüksək ixtisaslı kadrlar hazırlanır. Kurs və təlim proqramının iştirakçıları burada bitkiçilik, meyvəçilik və heyvandarlıq sahəsində zəruri peşə vərdişlərinə, bilik və bacarıqlara yiyələnirlər. Görüşdə aqrar təhsilin təşkili, AERES ilə Azərbaycanın təhsil müassisələri arasında əməkdaşlıq imkanları barədə fikir mübadiləsi aparılıb.
Daha sonra Azərbaycan nümayəndə heyəti Niderland Quşçuluq Mərkəzinə baş çəkib, quş əti və yumurtaların çeşidlənməsi prosesini izləyib, ölkədə quşçuluğun inkişafı istiqamətləri, bu sahədə əməkdaşlıq imkanlarını yerli mütəxəssislərlə müzakirə ediblər.
Nümayəndə heyəti yüksək ixtisaslı kənd təsərrüfatı mütəxəssisləri hazırlayan, dünyada kənd təsərrüfatı sahəsində kadr hazırlığına görə xüsusi reytinqə sahib Wageningen Universitetinə də baş çəkib, ali təhsil müəssisəsində tədrisin təşkili prosesi ilə maraqlanıblar. Sağlam qida və ətraf mühit prinsiplərinə xüsusi diqqət yetirildiyini deyən universitet rəhbərliyi tədris metodikası, elmi tədqiqat işləri barədə qonaqlara ətraflı məlumat verib, ali təhsil müəssisəsində səfər iştirakçıları üçün istixana bağçılığı, bitkiçilik və toxum yetişdirmə texnologiyaları ilə bağlı təqdimatlar keçiriblər. Görüş zamanı Wageningen Universitetində təhsil alan azərbaycanlı tələbələrin sayının artırılması, tələbə-müəllim mübadiləsi barədə müzakirələr aparılıb, bu sahədə birgə əməkdaşlığın genişləndirilməsi barədə razılığa gəlinib.
Müasir istixana bağçılığı üzrə ixtisaslaşan Dünya Bağçılıq Mərkəzinə (World Horti Center) baş çəkən səfər iştirakçıları bu sahədə tətbiq olunan innovasiyalar, istixana sistemində tətbiq olunan innovativ işıqlandırma texnologiyası ilə tanış olublar. Azərbaycan nümayəndə heyəti üçün “Signify” şirkəti tərəfindən istixanaların elektrik enerjisi ilə təmin edilməsi ilə bağlı təqdimat keçirilib. Azərbaycan nümayəndə heyəti bağçılıq sahəsi üzrə ixtisaslaşmış məsləhət bürosunu da (Looije Agro Technics) ziyarət edib, Azərbaycanda mövcud olan istixana komplekslərinin müasirləşdirilməsi ilə bağlı fikir mübadiləsi aparıblar. Niderlandlı mütəxəssislər müasir istixanaların qurulması və idarə olunması ilə bağlı Azərbaycandakı tərəfdaşlarına kömək etməyə hazır olduqlarını bəyan ediblər.
Azərbaycan nümayəndə heyəti səfər çərçivəsində gülçülük və toxumçuluq təsərrüfatlarına da baş çəkib, burada tətbiq edilən müasir becərmə texnologiyaları ilə tanış olublar.
Fuad Mədətov
Fins.az
![](/file/articles/2024/07/10/1720612577_ktn-sirketleri-1.jpeg)
![](/file/articles/2024/07/10/1720612540_ktn-sirketleri-2.jpeg)
![](/file/articles/2024/07/10/1720612524_ktn-sirketleri-3.jpeg)
![](/file/articles/2024/07/10/1720612591_ktn-sirketleri-4.jpeg)
![](/file/articles/2024/07/10/1720612556_ktn-sirketleri-5.jpeg)
![](/file/articles/2024/07/10/1720612610_ktn-sirketleri-6.jpeg)
![](/file/articles/2024/07/10/1720612530_ktn-sirketleri-7.jpeg)
![](/file/articles/2024/07/10/1720612547_ktn-sirketleri-8.jpeg)
![](/file/articles/2024/07/10/1720612579_ktn-sirketleri-9.jpeg)
![](/file/articles/2024/07/10/1720612618_ktn-sirketleri-10.jpeg)
![](/file/articles/2024/07/10/1720612616_ktn-sirketleri-11.jpeg)
![](/file/articles/2024/07/10/1720612612_ktn-sirketleri-12.jpeg)
![](/file/articles/2024/07/10/1720612623_ktn-sirketleri-13.jpeg)
![](/file/articles/2024/07/10/1720612588_ktn-sirketleri-14.jpeg)
![](/file/articles/2024/07/10/1720612702_ktn-sirketleri-15.jpeg)
![](/file/articles/2024/07/10/1720612620_ktn-sirketleri-16.jpeg)
![](/file/articles/2024/07/10/1720612632_ktn-sirketleri-17.jpeg)
![](/file/articles/2024/07/10/1720612710_ktn-sirketleri-18.jpeg)
![](/file/articles/2024/07/10/1720612656_ktn-sirketleri-19.jpeg)