"Ukraynadan taxıl" proqramı çərçivəsində Türkiyənin Samsun limanından göndərilən Ukrayna taxılını daşıyan gəmi Nigeriyaya gəlib.

Fins.az xəbər verir ki, bu barədə Ukraynanın Türkiyədəki səfiri Vasil Bodnar məlumat verib.

"Fuat Sezgin gəmisi dekabrın 30-da Nigeriyaya yola düşüb. Əldə etdiyimiz məlumata görə, o, yanvarın 22-də Nigeriyanın Harkort limanına gəlib və artıq boşalmağa başlayıb. Prezident Zelenskinin təşəbbüsü ilə ən çox ehtiyacı olan ölkələr üçün "Ukraynadan taxıl" proqramı uğurla davam edir. və gördüyümüz kimi, onun praktiki icrası var”, - V.Bodnar bildirib.

O, həmçinin əlavə edib ki, Nigeriyaya göndərilən taxıl BMT-nin Dünya Ərzaq Proqramı çərçivəsində Türkiyədəki anbarlarda saxlanılır.

Günel Məlikzadə
Fins.az