Finss.az - Lancaster Universitetinin alimləri Alzheimer xəstələrində istirahət zamanı tənəffüs sürətinin sağlam insanlarla müqayisədə əhəmiyyətli dərəcədə yüksək olduğunu aşkar ediblər. Araşdırmanın nəticələri beynin iltihab proseslərinə məruz qalmasını göstərə bilər.

Tədqiqatın nəticələri "Brain Communications" jurnalında dərc olunub.

Alimlər bildirirlər ki, bu xəstəlik beyinə qida maddələrinin çatdırılmasında çatışmazlıq və beynin enerji tələbini ödəməmək səbəbindən yaranan problemlərlə əlaqəli ola bilər. Beyindəki qan damarları, astrositlər və neyronların birgə fəaliyyəti beyin sağlamlığı üçün mühüm əhəmiyyət daşıyır.

Araşdırma çərçivəsində könüllülərdə beyin qan axını, elektrik aktivliyi və oksigenlə doyma göstəriciləri təhlil edilib. Nəticədə Alzheimer xəstələrində dəqiqədə 17 nəfəs, sağlam iştirakçılarda isə 13 nəfəs sürəti qeydə alınıb.

Alimlərin fikrincə, bu nəticələr Alzheimer xəstəliyinin erkən diaqnostikası üçün yeni yanaşmaların inkişafına yol aça bilər. Lakin metodun təkmilləşdirilməsi üçün əlavə tədqiqatlar tələb olunur.

Zemfira Ms
Finss.az