Finss.az - Bakının Yasamal rayonunda Mərkəzi parkın davamı olaraq, S.Tağızadə, A.Şaiq və N.Aşurbəyova küçələrinin əhatəsində yeni park salınacaq.

Ətraf ərazilərin abadlaşdırılması üçün ümumilikdə 37 milyon 230 min manat vəsait ayrılacaq.

Bu layihə “Vest LTD” Qapalı Səhmdar Cəmiyyəti tərəfindən həyata keçiriləcək.

Şirkət “Bakı Şəhər Əsaslı Tikinti və Təmir” MMC-nin elan etdiyi satınalma müsabiqəsinin qalibi olaraq, müvafiq müqaviləni imzalayıb.

Layihə çərçivəsində, ümumi sahəsi 36,658 kv.m olan binaların kərpic və isidilən binaların uçurulma metodu ilə sökülməsi nəzərdə tutulur.