Rusiya Ədliyyə Nazirliyi “Hərbi vəziyyət haqqında” konstitusiya qanununa hərbi vəziyyətlə bağlı tətbiq edilən tədbirləri genişləndirən düzəlişlər hazırlayıb.

Finss.az xəbər verir ki, əsas təkliflərdən biri federal, regional hakimiyyət orqanlarının və yerli özünüidarəetmə orqanlarının fəaliyyəti haqqında məlumatlara çıxışın məhdudlaşdırılması imkanlarıdır.

Sənəddən belə çıxır ki, Ali Məhkəmə, Baş Prokurorluq, İstintaq Komitəsi və digər hüquq-mühafizə orqanları da hərbi vəziyyət zonalarında məlumat əldə etmək imkanını məhdudlaşdırmaq hüququ əldə edə bilər. Dəyişikliklər qanun layihəsinə izahat yazısında qeyd olunduğu kimi, hərbi vəziyyət şəraitində dövlət orqanlarının təhlükəsizliyinin təmin edilməsində müəyyən edilmiş problemlərə cavab olaraq hazırlanıb. Ədliyyə Nazirliyi RBC-yə təsdiqləyib ki, təklif olunan dəyişikliklər hərbi əməliyyatlar və potensial “terror və ekstremist təhdidlər” kontekstində dövlət qurumlarının təhlükəsizliyini yaxşılaşdırmaq məqsədi daşıyır.

Hazırda Rusiyada hərbi vəziyyət tətbiq edilməyib. Lakin 2022-ci il oktyabrın 19-dan Rusiya ordusunun işğalı altında olan Ukraynanın Donetsk, Luqansk, Zaporojye və Xerson vilayətləri ərazilərində fəaliyyət göstərir.

Kaira Agayeva 
Finss.az