Azərbaycandakı bank kreditlərini banka getmədən ödəniş temirnalları və internetlə də ödəmək olar. Amma bu bütün banklarda mümkün deyil. Fins.az-ın araşdırmaları göstərir ki, bəzi bankların kreditlərini ödəmək üçün şəhəri yaxşıca gəzmək, ya da hökmən bank filiallarına yaxınlaşmaq lazımdır.

Ödəniş terminalları: “Paypoint” rəqiblərini geridə qoyub

Ölkə bankları kredit ödənişlərini 3 növ ödəniş terminallarında qəbul edirlər. Bunlar bankın özünə məxsus terminallar, “Paypoint” və “E-manat” terminallarıdır. 17 bank “Paypoint” sisteminə, 11 bank isə “E-manat” sisteminə qoşulub. Bəzi banklar isə hər iki istemdə ödəniş qəbul edir. 7 bankın isə özünə məxsus ödəniş terminalları da var. Bunlar “Accessbank”, “Azərbaycan Beynəlxalq Bankı”, “Bank of Baku”, “Dəmirbank”, “Expressbank”, “Turanbank” və “Unibank”dır. 4 bank ödənişləri yalnız öz terminalları ilə qəbul edir. “Expressbank”a məxsus “Expresspay” terminalından “Bank Nikoil”a məxsus ödənişlər də həyata keçirilir. 3 bankda kreditləri bütün terminallarla ödəmək mümkündür. Bunlar «Bank of Baku», «Turanbank», «Unibank»dır.

20 bank isə ödənişi heç bir terminaldan qəbul etmir. Bu bankların kreditlərini yalnız onlayn, ya da bilavasitə banka yaxınlaşmaqla ödəmək mümkündür.

Onlayn ödəmə: «AzəriCard» digər sistemləri üstələyib

Bank kreditlərini onlayn formada da ödəmək olar. Ölkə bankları bunun üçün özlərinə məxsus olan onlayn sistemlərdən, eləcə də«AzeriCard», «E-pul» və «GoldenPay» ödəmə sistemlərindən istifadə edir. 18 bankda ödənişləri «AzeriCard» sistemi ilə həyata keçirmək mümkündür. 15 bankda isə kreditləri «E-pul» sistemi ilə ödəmək olar. 9 bank isə kreditləri həm də «GoldenPay» sistemi ilə qəbul edir. 9 bankda onlayn ödənişləri bankın öz ödəmə sistemi vasitəsilə də ödəmək mümkündür. Cəmi 2 bankda isə ödənişləri bütün onlayn sistemlərlə ödəmək olar. Bunlar «Bank of Baku» və «Turanbank»dır.

Beləliklə araşdırma göstərir ki, hazırda ən inkişaf etmiş infrastruktura malik banklar “Bank of Baku” və “Turanbank”dır. Bu banklarda istənilən yolla ödəniş etmək mümkündür.

Yalnız kassa ilə işləyən banklar

Bəzi banklarda isə ümumiyyətlə ödənişlər yalnız kassada qəbul olunur. Bunlar “Azər-Türk Bank”, “Caspian Development Bank”, “Dekabank”, “Gəncəbank”, “Günaybank”, “Kredobank”, “Qafqaz İnkişaf Bankı”, “İran və Pakistan Milli Banklarının Bakı filialları, “Naxçıvanbank”, “Yunayted Kredit Bank” və “Zaminbank”, yenicə fəaliyyətə başlamış “Caspian Development Bank” və “Zıraat Bank”, son vaxtlar maliyyə problemləri yaşayan “Bank of Azerbaijan”, eləcə də hazırda fəaliyyəti dayandırılmış “Azərbaycan Kredit Bankı” və “Eurobank”dır.

Azərbaycan banklarında kreditləri terminallarla ödəmə imkanları

Azərbaycan banklarında kreditləri onlayn ödəmə imkanları