Finss.az - Çin şirkəti DeepSeek süni intellekt çat-botu DeepSeek-R1-i istifadəyə verərək, ChatGPT-yə ciddi rəqib olub. Yeni AI modeli daha ucuz çiplərdən istifadə etməklə effektiv performans göstərir və Apple App Store-da ən populyar pulsuz tətbiqlərdən birinə çevrilib.

DeepSeek-in təqdimatı fond bazarında süni intellekt sektoru ilə bağlı narahatlığa səbəb olub. Nvidia və SoftBank Group kimi texnologiya nəhənglərinin səhmləri kəskin ucuzlaşıb.

Analitiklər bildirirlər ki, DeepSeek süni intellekt bazarında yeni imkanlar yaratsa da, ABŞ-ın qabaqcıl çip texnologiyalarına çıxış üstünlüyü onun inkişafını məhdudlaşdıra bilər.