Finss.az - Bu il Bakıda keçiriləcək "Formula 1" üzrə Azərbaycan Qran-prisində əsas yarışın başlanma vaxtı müəyyənləşib.

Turnirin rəsmi saytında verilən məlumata əsasən, əsas yarış sentyabrın 21-də, yerli vaxtla saat 15:00-da start götürəcək.

Sentyabrın 19-da saat 12:30-da birinci sərbəst yürüş, saat 16:00-da isə ikinci sərbəst yürüş başlayacaq. Növbəti gün saat 12:30-da üçüncü sərbəst yürüş, 16:00-da isə təsnifat yarışı keçiriləcək.

Qeyd edək ki, "Formula 1" üzrə yeni mövsüm martın 16-da Avstraliyada start götürəcək.

Zemfira Ms
Finss.az