Finss.az - "Euro Football" verlişinin canlı bağlantısına qoşulan Rumıniyanın FCSB klubunun sahibi Cici Bekali Avropa Liqasının Liqa mərhələsinin 7-ci turunda Bakıda "Qarabağ"la keçirilən oyundan danışıb.

O, qeyd edib ki, qələbə qazansalar da, "Qarabağ" onlardan daha üstün oynayıb. 

Klub sahibi onu da deyib ki, belə oyunla öyünə bilməzlər: "Rəqib topa sahib idi. Biz də yaxşı müdafiə olunduq. Ancaq bu matçla öyünə bilmərik. Yalnız nəticə və mübarizə ilə öyünmək olar".

Xatırladaq ki, "Qarabağ" - FCSB matçı 2:3 hesabla, yerli komandanın məğlubiyyəti ilə nəticələnib.

Hazırda Rumıniya klubu 8-ci pillədə (14 xal), "Qarabağ" isə 34-cü pillədə (3 xal) qərarlaşıb.

Zemfira Ms
Finss.az