Finss.az xəbər verir ki, "Qarabağ" dünən Misli Premyer Liqasının III turundan təxirə salınmış oyunda "Şamaxı"ya səfərdə 1:0 hesabı ilə qalib gəlib. Qələbə qolunu 90+4-cü dəqiqədə Musa Qurbanlı vurub. Ağdam təmsilçisi hazırda 44 xalla turnir cədvəlində liderdir.

Digər tərəfdən, "Qarabağ"ın futbolçusu Olavio Juninyonun "Sevilya"ya keçidi ilə bağlı danışıqlar davam edir. İspaniya klubu futbolçu üçün 3+1 milyon avro təklif edib. Baş məşqçi Qurban Qurbanov transferin mümkünlüyünü təsdiqləyib və Juninyonun Avropa bazarına çıxışını alqışlayıb.

Misli Premyer Liqasının XVIII turunda "Qarabağ" dekabrın 21-də “Araz-Naxçıvan”ı qəbul edəcək. Oyun saat 16:30-da Tofiq Bəhramov adına Respublika stadionunda keçiriləcək.