Finss.az - 2024-cü ildə Çin daxili xammaldan qızıl istehsalını cüzi şəkildə, 1%-dən az artıraraq 377,2 tona çatdırıb.

Bu barədə Çin Qızıl Assosiasiyası (China Gold Association, CGA) məlumat verib. Qızıl istehsalının artmasına baxmayaraq, ölkədə qızıl istehlakı 10% azalarak 985,3 tona düşüb. CGA-nın açıqlamasına görə, zinət əşyalarına olan tələbin azaldığı müşahidə edilib. Lakin beynəlxalq vəziyyətin qeyri-sabitliyi və qızılın qoruyucu aktiv kimi qəbul edilməsi səbəbindən, qızıl lövhə və sikkələrinin satışı əhəmiyyətli dərəcədə artıb.

Şanxay birjasında isə, 2024-cü ilin sonunda qızıl ticarətinin həcmi 62,3 min ton təşkil edib və bu, 34,65 trilyon yuan (təxminən 4,85 trilyon dollar) dəyərində olub. Həcmi fiziki baxımdan 50%, dəyəri isə 87% artıb.

Bu rəqəmlər, qızılın həm investisiya aləti kimi, həm də qoruyucu aktiv kimi rolunun gücləndiyini və bazarda tələb-təklif balansının dəyişdiyini göstərir.