Aİ ölkələrinin səfirləri Kiyevə 35 milyard avro məbləğində kreditin verilməsi mexanizmini razılaşdırıblar ki, bu da Mərkəzi Bankın dondurulmuş aktivlərindən əldə edilən gəlir hesabına qaytarılacaq. Moskva bu cür hərəkətləri oğurluq adlandırır

Finss.az xəbər verir ki, Aİ-yə üzv ölkələrin səfirləri əvvəllər Kiyevə Rusiya Mərkəzi Bankının dondurulmuş aktivlərindən əldə edilən gəlirdən təminat əsasında 35 milyard avro (38,3 milyard dollar) məbləğində kreditin ayrılması mexanizmini razılaşdırıblar. Bu barədə Şura X sosial şəbəkəsində məlumat yayıb.

"Səfirlər Rusiyanın dondurulmuş aktivlərindən əldə edilən vəsaitlərin kreditlərə xidmət və geri qaytarılması üçün istifadəsinə dair bir sıra hüquqi sənədlərin təsdiqi üçün yazılı prosedura başlamağa razılaşıblar: Ukraynaya makromaliyyə yardımı göstərmək üçün kredit əməkdaşlığı mexanizminin yaradılmasına dair müddəalar." bəyanatda deyilir.

Mexanizmin nəhayət razılaşdırılması üçün o, Avropa Parlamenti tərəfindən təsdiqlənməlidir.

Aİ-dən verilən 35 milyard avroluq kredit Yeddilik Qrupu (G7) tərəfindən iyunda razılaşdırılmış 50 milyard dollarlıq kreditin əsas hissəsini təşkil edəcək. Avropa Komissiyasının rəhbəri Ursula Von der Leyen sentyabrın sonunda Brüsselin bu məbləği Kiyevə ayırmaq planlarını açıqlayıb.

Kaira Agayeva 

Finss.az