Finss.az xəbər verir ki, ABŞ-nin Florida yarımadasına yaxınlaşmaqda olan “Milton” qasırğası qum təpələrini aşındıraraq və sahilyanı əraziləri suyun altında qoymaqla eyniadlı ştatın sahil xəttini kəskin şəkildə dəyişdirə bilər.

“USGS ekspertlərinin proqnozlarına görə, “Milton”un yaratdığı tufan dalğaları Floridadakı bütün çimərliklərdə potensial olaraq eroziyaya və dağıntıya səbəb ola biləcək”, - məlumatda deyilir.

Sahil xəttinin dəyişikliklərinin proqnozlaşdırılması ilə məşğul olan okeanoloq Kara Doran bildirib ki, Floridanın qərb sahillərinin çox hissəsi subasmalara və dyunların tam eroziyasına səbəb olan “Helen” qasırğasından artıq çox zərər çəkib. “Bu, sahilin bir çox hissəsində onu yaxınlaşmaqda olan “Milton” qasırğasından nisbətən qoruyacaq dyunların tamamilə yox olması ilə nəticələnib. Odur ki, sahil hazırda qasırğaya qarşı xüsusilə həssas vəziyyətdədir.

Xatırladaq ki, Florida ştatının rəhbərliyi "Milton" qasırğasının yaxınlaşması səbəbindən ştatın 5,5 milyondan çox sakininin evlərini tərk etməsini və təxliyə olunmasını tövsiyə edib.

Kaira Agayeva 

Finss.az