ÇXR ABŞ-ın Tayvana silah satmaq planlarını “vahid Çin” prinsipinin pozulması və onun daxili işlərinə müdaxilə adlandırıb. Buna cavab olaraq Pekin doqquz Amerika şirkətinə məhdudiyyətlər qoyub.

Finss.az xəbər verir ki, Sanksiyalar arasında Sierra Nevada Corporation, Stick Rudder Enterprises LLC, Cubic Corporation, S3 AeroDefense, TCOM, TextOre, Planate Management Group, ACT1 Federal və Exovera var, Sinxua xəbər verir. Onların Çindəki mülkləri dondurulacaq. Çin xalqına və Çin şirkətlərinə sanksiya tətbiq olunan firmalarla iş görmək qadağandır. Qərar qüvvəyə minib.

ÇXR hesab edir ki, Vaşinqtonun Tayvana silah satmaq qərarı Çin-Amerika birgə kommünikesinə ziddir. Pekin ABŞ-ın planlarının “Çinin suverenliyinə və ərazi bütövlüyünə ciddi ziyan vurduğunu” bildirib.

Kaira Agayeva 

Finss.az