Özbəkistan Almaniya ilə qonşu ölkələrdə kritik xammal sahəsində layihələri birgə həyata keçirməyə hazırdır.

Finss.az xəbər verir ki, bunu Özbəkistan Prezidenti Şavkat Mirziyoyev Mərkəzi Asiya-Almaniya ikinci sammiti zamanı deyib.

“Artıq qeyd edildiyi kimi, rayonumuz mineral ehtiyatlarla zəngindir. Almaniya Mineral Ehtiyatlar Agentliyi və alman şirkətləri bu sahədə bizim əsas tərəfdaşlarımız ola bilər. Söhbət geoloji kəşfiyyat, intensiv işlənmə, yüksək əlavə dəyərə malik məhsulların emalı və istehsalı, Almaniya və Avropa İttifaqının digər ölkələrinə tədarükün təşkili layihələrindən gedir”, - deyə Şavkat Mirziyoyev qeyd edib.

O, həmçinin regionda mühüm faydalı qazıntıların və nadir torpaq metallarının aşkar edilmiş yataqlarının rəqəmsal xəritələrinin yaradılması proqramının hazırlanması üçün Almaniyanın texniki yardımının cəlb edilməsi perspektivlərini diqqətə çatdırıb.

“Biz belə əməkdaşlıq üçün etibarlı hüquqi bazanın formalaşdırılmasını da vacib hesab edirik”, - deyə Özbəkistan Prezidenti əlavə edib.

Qeyd edək ki, Astanada Mərkəzi Asiya ölkələri və Almaniya liderlərinin ikinci görüşü baş tutub.

Kaira Agayeva 

Finss.az