Fransa Prezidenti Emmanuel Makronun səfəri “qərblilərin regionda destruktiv fəaliyyəti” paradiqmasında qurulacaq.

Finss.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə “News.ru”nun sualını cavablandırarkən deyib.

O, həmçinin qeyd edib ki, Ermənistanın qayıtması üçün KTMT-nin qapıları həmişə açıqdır.

“Təşkilat respublika ilə tam əməkdaşlığa açıqdır. Bu ölkə üçün sabitliyin təminatçıları kimi KTMT və Rusiyanın alternativi yoxdur”, - XİN rəsmisi vurğulayıb.

M.Zaxarova qeyd edib ki, Ermənistan-Rusiya əməkdaşlığı əsrlərin sınağından keçib.

“Yeri gəlmişkən, bu əməkdaşlıq Ermənistanın tarixində əks olunub və hər hansı saxta dərsliklər nəşr edilsə belə, onu yenidən yazmaq mümkün deyil”, - o bildirib.

Kaira Agayeva 

Finss.az