Western Union sisteminin istifadəçiləri Azərbaycandan Estoniyaya pul köçürmələri göndərərkən problemlə üzləşirlər. Onlara yerindəcə məlumat verilir ki, hazırda Azərbaycandan köçürmələrə xidmət göstərilmir.

Finss.az xəbər verir ki, redaksiyaya oxuculardan bununla bağlı şikayətlər daxil olub və bununla bağlı şirkətə sorğu göndərilib.

Western Union-un kommunikasiya direktoru Nikolas Mandalas Azərbaycandan Estoniyaya bir sıra pul köçürmələrinə təsir edən texniki problemlərin olduğunu təsdiqləyib və qeyd edib ki, komandası bu vəziyyəti düzəltmək üçün çalışır.

Xatırladaq ki, Western Union 1851-ci ildə əsası qoyulmuş ən böyük beynəlxalq pul köçürmə sistemlərindən biridir. Şirkət 200-dən çox ölkədə fəaliyyət göstərən bütün dünyada sürətli və təhlükəsiz pul köçürmə xidmətləri təqdim edir. Western Union həm filial şəbəkəsi, həm də onlayn platformalar vasitəsilə milyonlarla müştəriyə xidmət göstərən transsərhəd köçürmələr üzrə ixtisaslaşmışdır.

Kaira Agayeva 

Finss.az