Alman Qırmızı Xaç Cəmiyyətinin əməliyyat şöbəsinin rəhbəri bildirib ki, onlardan ikisi ağır yaralanıb.

Finss.az xəbər verir ki, Almaniyanın şərqində Leypsiq (Saksoniya) yaxınlığındakı Highfield musiqi festivalı ərazisində dönmə çarxında baş verən yanğın nəticəsində azı 30 nəfər xəsarət alıb.

Saat 21:13 radələrində dönmə çarxının köşklərindən biri yanıb, daha sonra alov ikinci kabinəyə keçib. Polis sözçüsü qəzetə bildirib ki, “Son məlumatlara görə, dördü polis olmaqla, 30-dan çox insan yaralanıb, lakin çox güman ki, onların hamısı yüngül xəsarətlər alıb”.

Alman Qırmızı Xaç Cəmiyyətinin əməliyyat şöbəsinin rəhbərinin sözlərinə görə, iki nəfər ağır yaralanıb.

Hazırda yanğın söndürülüb. Zərərçəkənlər xəstəxanadadır. Nəşr qeyd edir ki, onlar özlərini yaxşı hiss edirlər. Yanğın başlayan zaman dönmə çarxının tamamilə dolu olduğu bildirilir.

Hadisənin səbəbi hələ müəyyən edilməyib. Hadisə yerinə onlarla yanğınsöndürmə briqadası cəlb olunub. Musiqi festivalı isə keçirilməyə davam edib.

Kaira Agayeva

Finss.az