İsrail, əsir mübadiləsi və atəşkəs razılaşması ilə bağlı danışıqları davam etdirmək üçün avqustun 15-də Qəzza zolağına nümayəndə heyəti göndərəcəyini açıqlayıb. Bu qərar ABŞ və digər vasitəçilərin təşəbbüsü ilə verilib. Danışıqlarda məhbus mübadiləsi razılaşmasının detallarının müzakirəsi nəzərdə tutulur.

Bu barədə Finss.az xarici mətbuata istinadən məlumat yayır.

Bu arada, HƏMAS hələlik İsrailin bu açıqlamasına reaksiya verməyib. Qəzzada əsir saxlanılan israillilərin qohumları İsrailin baş naziri Benyamin Netanyahudan liderlik nümayiş etdirməyi və məhbus mübadiləsi üçün lazım olan addımları atmağı tələb ediblər. ABŞ, Misir və Qətər liderləri də Qəzzada atəşkəsin təmin edilməsi və əsir mübadiləsi üçün avqustun 15-də danışıqların yenidən başlanmasına çağırış ediblər.

Danışıqların harada keçiriləcəyi hələ müəyyən edilməyib, lakin Qahirə və ya Doha variantları müzakirə olunur. ABŞ prezidenti Co Baydenin İsrailin yeni atəşkəs təklifi ilə bağlı verdiyi açıqlamalar da bu müzakirələr çərçivəsində yer alıb.