ABŞ-ın keçmiş prezidenti və Respublikaçılar Partiyasından prezidentliyə namizəd Donald Tramp sentyabrın 4, 10 və 25-də demokrat rəqibi Kamala Harrislə canlı yayımda debata hazır olduğunu açıqlayıb. O, Floridadakı Mar-a-Laqo şəhərciyində keçirdiyi mətbuat konfransında çoxdan gözlənilən prezidentliyə namizəd debatlarını dəyərləndirib.

Finss.az xəbər verir ki, rəqibi Harrislə qarşılaşmağa hazır olduğunu bildirən Tramp sentyabrın 4-də Fox News, 10-da ABC News və 25-də NBC News-da canlı yayım debatına razılaşdığını və Harrisdən cavab gözlədiyini bildirib. .

Vitse-prezidentliyə namizədlər Respublikaçı JD Vance və Demokrat Tim Valzın bir-birinə qarşı çıxması gözlənilən başqa bir canlı yayım debatının CBS News-da olacağını ifadə edən Tramp, Harrisin canlı yayımlarda zəif çıxış etdiyini iddia edib.

ABC News kanalı Harrisin sentyabrın 10-da canlı yayımda iştirak etməyə razılaşdığını açıqlayıb.