Baş nazir Kir Starmerin yeni hökumətinin üzləşdiyi problemlərin miqyası yeni məhbusları qəbul edə bilməyən Britaniya həbsxanalarının vəziyyəti ilə açıq şəkildə büruzə verir ki, bu da hökuməti çətin seçim qarşısında qoyur.

Fins.az xəbər verir ki, “World Prison Brief”in məlumatına əsasən, Böyük Britaniya məhkumların sayına görə Qərbi Avropada ilk yeri tutur. Yeni tikinti proqramı məhkumların çoxalmasına səbəb olduğu üçün Britaniya dərin böhranla üzləşməli olub.

Bir çox həbsxanalarda artıq bir nəfər üçün nəzərdə tutulmuş kameralarda iki məhbus yerləşdirilib və əvvəlki mühafizəkar hökumət tərəfindən görülən fövqəladə tədbirlər bəzi cinayətkarların vaxtından əvvəl sərbəst buraxılmasına və yeni məhbusların daxil olmaması üçün məhkəmə çəkişmələrinin təxirə salınmasına səbəb olub. Həll yolu tapılmazsa, tezliklə cinayətkarlar polis kameralarında saxlanılmalı olacaq ki, bu da islah idarələri əməkdaşlarının fəaliyyətini məhdudlaşdıra və bütün məhkəmə sisteminin işini poza bilər.

Baş nazir Kir Starmer bu vəziyyəti son hökumətin “monumental uğursuzluğu” kimi xarakterizə edib.

İyulun 5-nə olan məlumata görə, İngiltərə və Uelsdə 87 453 məhbus var ki, bu da 100 min əhalidən təxminən 144-nün məhbus olması deməkdir. Məhkumluq göstəriciləri Fransa, İspaniya və İtaliyada təxminən 25 faiz, Almaniya və Niderlandda isə iki dəfə aşağıdır. Ancaq ABŞ-da bu rəqəm daha yüksəkdir - burada 100 min əhalidən 531-i məhbus həyatı yaşayır.

Sıxlıq probleminin həlli variantlarına daha çox elektron qolbaqlı cinayətkarların sərbəst buraxılması və ya onlara şərti cəzaların verilməsi daxildir.

Hökumətin məlumatına görə, son 30 ildə həbsxana “sakinlərinin” sayı iki dəfə artıb. 2026-cı ilə qədər məhbusların sayının 100 mindən çox olacağı proqnozlaşdırılır.

© Azertac
Kaira Agayeva 

Fins.az