Hindistanın idarə etdiyi Cammu və Kəşmir bölgəsində üsyançılarla təhlükəsizlik qüvvələri arasında baş verən qarşıdurmada 7 Hindistan əsgəri və 6 üsyançı həlak olub.
Fins.az xəbər verir ki, Hindistan әsgәrlәrini daşıyan avtomobil Cammu və Kəşmirin Maçedi bölgəsində hücuma məruz qalıb.
Səlahiyyətlilər hücum nәticәsindә 5 əsgərin öldüyünü, 6 əsgərin yaralandığını, qaçan üsyançıların saxlanılması istiqamәtindә əməliyyatların hәyata keçirildiyini açıqlayıb.
Kulqam bölgəsində baş verən iki ayrı qarşıdurmada 2 əsgər həyatını itirib, 6 üsyançı da həlak olub.
Hücumların Baş nazir Narendra Modinin Rusiyaya səfəri zamanı baş verməsi diqqət çəkib.
Son zamanlar Cammu və Kəşmirdə hücumların sayının artdığı müşahidә olunub.
İyunun 9-da hindistanlı zəvvarları daşıyan avtobusa silahlı hücum nəticəsində 9 nəfər həyatını itirmişdi.
Kaira Agayeva
Fins.az