Finss.az - ABŞ-n məşhur Palantir Technologies şirkəti, 2024-cü ilin dördüncü rübü üzrə maliyyə nəticələrini açıqlayıb.

Şirkətin xalis mənfəəti ötən ilin eyni dövrü ilə müqayisədə 15% azalaraq $79,009 milyon olub. Bu, səhmdara 3 sent qazanc deməkdir, 2023-cü ilin oktyabr-dekabr dövründə isə hər səhmdara 4 sent mənfəət təmin edilib.

Düzəliş edilmiş mənfəət isə müsbət tendensiyanı göstərərək 8 sentdən 14 sentə yüksəlib. Bununla yanaşı, şirkət gəlirlərini 36% artıraraq $827,519 milyon əldə edib. Keçən ilin eyni dövründə gəlir $608,35 milyon idi. ABŞ-da kommersiya müqavilələrindən əldə olunan gəlirlər 64% artaraq $214 milyon, hökumət müqavilələrindən isə 45% artaraq $343 milyon olub.

Analitiklərin palantirin gəliri ilə bağlı gözləntiləri, düzəliş edilmiş mənfəətin səhmdara 11 sent, gəlirin isə $776 milyon olacağı istiqamətində idi. Lakin Palantir bu gözləntiləri üstələyərək daha yaxşı nəticələr təqdim edib.

Palantir, 2025-ci il üçün gəlirlərini $3,741-3,757 milyard arası proqnozlaşdırır, o cümlədən $858-862 milyon cari rübdə əldə ediləcəyi gözlənilir. Bu rəqəmlər analitiklərin proqnozlarından yüksəkdir.

Hesabatın dərcindən sonra şirkətin səhmləri əlavə ticarətlərdə 22,8% artaraq investorları sevindirib.

Palantir Technologies 2003-cü ildə tanınmış sahibkar Peter Thiel tərəfindən qurulub və şirkətin texnologiyaları əsasən ABŞ və digər dövlətlərin hüquq-mühafizə orqanları tərəfindən istifadə olunur. Alqoritmlərin USAMa bin Ladenin tapılması və digər böyük terror şəbəkələrinin məhv edilməsində istifadə edildiyi bildirilir.

Palantir-in bu uğurlu maliyyə nəticələri şirkətin gələcəkdə də artan tələblərə cavab verə biləcəyini və müasir verilər emalı sahəsində lider mövqeyini qorumağa davam edəcəyini göstərir.