Finss.az - Azərbaycan Dövlət Neft Şirkətinin (SOCAR) Türkiyədəki yatırımı olan “Petkim” neft-kimya kompleksi 2024-cü ildə Egey İxracatçı Birlikləri tərəfindən "İxracatın ulduzları" siyahısında növbəti dəfə birinci yerə layiq görülüb.

“Petkim” həm ümumi sıralamada, həm də kimya sektoru kateqoriyasında liderliyini qoruyub. Mükafat “Petkim”in Baş direktoru Kənan Mirzəyevə təqdim edilib.

1965-ci ildə əsası qoyulmuş “Petkim Petrokimya Holding” Türkiyənin aparıcı neft-kimya kompleksidir. Kompleksdə etilen, polietilen, polivinilxlorid, polipropilen və digər neft-kimya məhsulları istehsal edilir. “SOCAR Turkey” şirkəti “Petkim”in nəzarət səhm paketinə sahibdir və şirkətin səhmləri İstanbul Fond Birjasında qiymətləndirilir.