Finss.az - Bu il Şəki rayonunda 1620 hektar sahədə tütün əkini həyata keçirilməsi planlaşdırılır. 1320 hektarda “Virciniya botaniki” tütün sortunun, 300 hektarda isə yerli tütün sortlarının əkilməsi nəzərdə tutulur.

Şəki Dövlət Aqrar İnkişaf Mərkəzinin Bitkiçilik sektorunun baş məsləhətçisi Sahib Abdulhəmidov bildirib ki, hazırda şəxsi təsərrüfatlarda tütün şitillərinin yetişdirilməsi üçün hazırlıq işləri aparılır. Toxum səpiləcək sahələr şumlanır və səpin üçün hazırlıq görülür. Fevral ayının əvvəlindən isə 51 min kvadratmetr sahədə sadə istixanaların hazırlanmasına başlanılacaq.

Ötən mövsümdə isə şəkili fermerlər 1601 hektar sahədən 4528 ton quru tütün əldə ediblər ki, bu da əvvəlki illə müqayisədə 381 ton artım deməkdir.