Argentina Mərkəzi Bankının idxalçıların xaricdəki tədarükçülərə borclarını ödəmək üçün keçirdiyi ilk istiqraz hərracı uğursuz oldu, çünki təklif olunan ümumi məbləğin yalnız bir hissəsi satıldı.

Fins.az xəbər verir ki, Mərkəzi Bank daha əvvəl cümə axşamı günü keçiriləcək hərracda maksimum 750 milyon dollarlıq istiqrazın satıla biləcəyini bildirmişdi. Lakin Argentinalı idxalçılardan 34 təklif alan bank cəmi 68 milyon dollarlıq istiqraz satıldığını açıqlayıb.

Argentina Mərkəzi Bankının rəsmiləri, bankın “abunə və tələb olunan sənədlərlə bağlı əməliyyat proseslərini aydınlaşdırmağa davam etdiyi” üçün “iştirak həcminin artacağını” proqnozlaşdırdıqlarını açıqladı.

Tender, vəzifəyə gəldikdən sonra uğurlu peso istiqraz satışı və devalvasiya həyata keçirən Argentina prezidenti Xavyer Mileinin ilk uğursuzluğu idi. İdxalçıların xaricə olan 30 milyard dollarlıq borcunun silinməsi Milei administrasiyası üçün əvvəlki hökumətdən miras qalmış maliyyə nəzarətini aradan qaldırmaq üçün çox vacibdir.

İstiqrazlar həm də pesonun likvidliyini azaltmaq məqsədinə xidmət edir ki, bu da artıq 160 faizdən çox olan inflyasiyanı daha da artıra bilər.

Günel Məlikzadə
Fins.az