Finss.az - ABŞ-ın aparıcı fond indeksləri çərşənbə axşamı ticarət sessiyasını yüksəlişlə başa vurdu.

Nasdaq Composite indeksi 2% artaraq əvvəlki gün qeydə alınan enişin bir hissəsini bərpa etdi.

Bu artım, xüsusilə, yarımkeçirici istehsalçılarının səhmlərinin bahalaşması ilə müşayiət olundu:

• Nvidia Corp. – 8,8%

• Broadcom Inc. – 2,6%

• Marvell Technology Inc. – 3,5%

Eyni zamanda, aparıcı texnologiya şirkətlərinin səhmləri də yüksəldi:

• Apple Inc. – 3,7%

• Microsoft Corp. – 2,9%

• Alphabet Inc. – 1,8%

• Amazon.com Inc. – 1,2%

FED iclasına diqqət yönəlib

İnvestorlar ABŞ Federal Ehtiyat Sisteminin (FED) yanvarın 29-da başa çatacaq iclasının nəticələrini gözləyir. Trading Economics analitiklərinin proqnozuna görə, FED baza faiz dərəcəsini 4,25-4,5% səviyyəsində saxlayacaq.

İqtisadi göstəricilər zəif qalıb

Çərşənbə axşamı açıqlanan statistik məlumatlar ABŞ iqtisadiyyatında zəifləməyə işarə edir:

• Davamlı istehlak mallarına yeni sifarişlər dekabrda 2,2% azalıb (proqnoz: +0,6%).

• İstehlakçı inamı indeksi yanvarda 104,1 bəndə enib (dekabrda 109,5 bənd idi).

Şirkətlərin performansı

• General Motors səhmləri 8,9% ucuzlaşıb. Şirkət Çin bazarı ilə bağlı böyük itkilər səbəbindən 2024-cü ilin IV rübündə xalis zərər açıqlayıb.

• Boeing Co. son rübdə ciddi zərər edib, səhmləri 1,5% bahalaşıb.

• RTX Corp. səhmləri 2,6% artıb, xalis mənfəətini 4% artırıb.

• Lockheed Martin səhmləri 9,2% dəyər itirib.

• JetBlue Airways Corp. səhmləri 25,7% ucuzlaşıb, gözləniləndən zəif rüblük proqnoz açıqlayıb.

Fond indekslərinin yekun göstəriciləri:

• Dow Jones Industrial Average +136,77 bənd (+0,31%) → 44 850,35 bənd

• SP 500 +55,42 bənd (+0,92%) → 6 067,7 bənd

• Nasdaq Composite +391,75 bənd (+2,03%) → 19 733,59 bənd