“Eurostat” agentliyinin verdiyi məlumata əsasən, Avrozonada, ilkin hesablamalara görə, illik inflyasiya öncəki ay ilə müqayisədə iyun ayında 2.6%-dən 2.5%-ə enib.

Fins.az xəbər verir ki, göstərici analitiklərin proqnozları ilə üst-üstə düşüb.

Aylıq ifadədə Avrozonada istehlak qiymətləri, ilkin hesablamalara görə, 0.2% artıb.

Qeyd etmək lazımdır ki, 2023-cü ilin iyun ayının sonunda Avrozonada illik 5.5% inflyasiya qeydə alınmışdı.

Hesabat dövründə baza inflyasiya illik ifadədə may ayında olduğu kimi 2.9% təşkil edib, analitiklər 2.8%-ə qədər yavaşlama olacağını proqnozlaşdırmışdılar.

Ən yüksək illik inflyasiya Belçikada (5.5%), ən aşağı göstərici isə Finlandiyada (0.6%) qeydə alınıb.

Kaira Agayeva 

Fins.az