Finss.az - Dövlət Neft Fondu (ARDNF), qlobal maliyyə bazarlarında baş verən meylləri izləyərək portfelini daim yenidən qiymətləndirir və zərurət olduqda uyğun dəyişikliklər edir. Fondun icraçı direktoru İsrafil Məmmədov, xüsusilə Çin puluna olan investisiyaların artırılacağını qeyd edib.

Report-a müsahibəsində Məmmədov, bu il də portfelin valyutalar üzrə bölgüsündə ABŞ dolları, ingilis funt sterlinqi və avro kimi əsas ehtiyat valyutalarının üstünlük təşkil edəcəyini vurğulayıb. Bununla yanaşı, digər valyutalar üzrə diversifikasiya imkanlarının artırılması da diqqət mərkəzində olacaq.

İcraçı direktor, ARDNF-in investisiya portfelində Çinə investisiyaların artırılması ilə bağlı açıqlama verərək bildirib: "Son dövrlərdə qlobal maliyyə bazarlarında investorlar öz portfellərində Çinə olan investisiyaları artırmağa başlayıblar. Bu kontekstdə, ötən il Fondun investisiya portfelinin şaxələndirilməsi məqsədilə Çin yuanına olan yatırımlar xüsusi önəm kəsb edib."

2024-cü ilin əvvəlinə Çin yuanında investisiyaların həcmi 550 milyon ABŞ dolları təşkil etsə də, il ərzində bu məbləğ 1 milyard ABŞ dolları artırılaraq 1,6 milyard ABŞ dollarına çatıb. Ötən ilin sonuna ARDNF-in investisiya portfelində Çin yatırımlarının ümumi çəkisi 3%-i ötüb.