Finss.az - Yaponiyanın Mərkəzi Bankı, bazar dalğalanmalarının baş verməməsi halında, bu cümə günü faiz dərəcələrini artırmağı planlaşdırır.

Bu artım, qısa müddətli borc alma xərclərini 2008-ci il qlobal maliyyə böhranından bəri görülməmiş səviyyələrə qaldıracaq.

Reuters-in məlumatına görə, faiz artışı Yaponiyanın iqtisadiyyatını nisbətən tarazlaşdırmağı hədəfləyir. Mərkəzi bankın hazırkı faiz dərəcəsi 0,25%-dir və gözlənilir ki, bu rəqəm tədricən 1%-ə qədər yüksələcək. Bu, iqtisadiyyatı nə soyudacaq, nə də həddindən artıq istiləşdirəcək bir səviyyə olaraq qiymətləndirilir.

Bundan əlavə, mərkəzi bankın direktorlar şurası, inflyasiya proqnozlarını artırmağı da nəzərdə tutur. Artan əməkhaqqı perspektivləri, bankın 2% inflyasiya hədəfinə nail olunmasına kömək edəcəyi gözlənilir.

Xatırladaq ki, Yaponiyanın Mərkəzi Bankı, 2008-ci ilin oktyabr ayında faiz dərəcələrini 0,5%-dən 0,3%-ə endirib, bir neçə ay sonra isə 0,1%-ə qədər azaldıb. Bu dövr Yaponiyanın iqtisadiyyatı üçün çətin illər olub, lakin o vaxtdan etibarən qeyri-adi tədbirlər ilə borc alma xərcləri sıfır səviyyəsində saxlanılıb.