HSBC tərəfindən dərc edilən hesabatda, Türkiyədəki siyasətçilərin qarşıdan gələn yerli seçkiləri nəzərə alaraq daha sürətli dezinflyasiya prosesini təmin etmək əvəzinə yumşaq enişi prioritetləşdirməyə davam edəcəkləri proqnozlaşdırılıb.

Fins.az xəbər verir ki, CEEMEA İqtisadçısı Melis Metiner tərəfindən imzalanan hesabatda, “Yerli seçkilər öncəsi bir qədər maliyyə yumşalması və 2024-cü il ərzində büdcə kəsirində artım gözləyirik, lakin 2024-cü ildə büdcə kəsirində bir azalma olacağını düşünmürük” deyə qeyd edilib.

Metiner Türkiyə iqtisadiyyatının keçən il 4 faiz artdığını, bu il isə artım tempinin 2,5 faizə enəcəyini proqnozlaşdırıb.

Hesabatda deyilir: “İnflyasiya 2022-ci və 2023-cü ili 65 faizdən yuxarı başa vurduqdan sonra bu il 40 faizdən yuxarı qalarsa, daha da sürət qazana bilər; “Biz hesab edirik ki, bu vəziyyət pul siyasətinin daha da sərtləşdirilməsini tələb edə bilər”.

“Siyasət baxımından əsas risk erkən monetar yumşalmadır. Mərkəzi Bank yaxın perspektivdə yumşaldıcı addım atacağına dair zərrə qədər siqnal vermədi, lakin iqtisadi aktivlik müşahidə olunarsa, bu perspektiv sürətlə dəyişə bilər. Biz 25 Yanvarda 250 əsas bəndlik faiz dərəcəsi artımından sonra siyasət dərəcəsinin 45 faizə çatacağını gözləyirik və cari inflyasiya proqnozlarını nəzərə alaraq, 2024-cü il ərzində heç bir faiz endiriminin edilməyəcəyini gözləyirik" Metiner dedi.

Günel Məlikzadə
Fins.az