Finss.az - Microsoft-un qurucusu Bill Qeyts karyerasında yeni bir addım ataraq avtomobil sənayesinə sərmayə yatırıb.

O, ABŞ-ın iri yük maşınları istehsalçısı olan Paccar konsernində səhmlər alıb. Qeyts, bu addımını 100 milyon dollar sərmayə qoyaraq həyata keçirib və indi şirkətin bir milyon səhminə sahibdir. Hər səhmin dəyəri isə 100 dollar təşkil edir.

Paccar, ildə 200.000-dən çox iri tonnajlı yük maşını istehsal edən və dünya bazarının 31,1%-ni tutan nəhəng bir şirkətdir. Şirkət, yaxın gələcəkdə nəqliyyat sektorunda tələbin artacağına dair proqnozlara əsaslanaraq, növbəti illərdə böyümə gözləyir. 2025-ci il üçün proqnozlar bazarda ciddi artımın olacağına işarə edir.

Paccar, son dövrlərdə böyük bir irəliləyiş əldə edib. Noyabr ayında şirkətinin avtomobillərinə olan sifarişlər 20% artıb. Ayrıca, 1905-ci ildə əsası qoyulmuş olan bu şirkət, Çexiyanın Tatra avtomobil istehsalçısının 19% səhmlərinə sahibdir.

Bu sərmayə ilə Bill Qeyts, avtomobil sənayesində də əhəmiyyətli bir investor olaraq öz mövqeyini gücləndirir.