13 yaşlı yeniyetmə qanunsuz olaraq montaj xəttində işləyirdi.

Fins.az xəbər verir ki, ABŞ Əmək Nazirliyi Hyundai şirkətinə qarşı 13 yaşlı yeniyetmənin qanunsuz işlədilməsinə görə ittiham irəli sürüb. Uşaq Alabama ştatında montaj xəttində işləyirdi. İddia ərizəsində bildirilir ki, yeniyetmə təbəqə metaldan avtomobil kuzov hissələrini formalaşdıran avadanlıqlarda çalışıb ki, bu da uşaq əməyinə dair əmək qanunvericiliyinin müddəalarının pozulmasıdır.

Hyundai bu hadisənin təhqiqatına aktiv şəkildə qoşulub və bu barədə məlumat aldıqdan dərhal sonra problemi aradan qaldırmaq üçün tədbirlər gördüyünü, gələcəkdə yetkinlik yaşına çatmayan işçilərin işə qəbul edilməməsini təmin etmək üçün addımlar atdığını bildirib. Bundan əlavə, avtomobil şirkəti artıq təchizatçılarla razılığa gəlib ki, onlar kənar kadr agentlikləri ilə əməkdaşlığa son qoysunlar, baxmayaraq ki, həmin agentliklər bütün namizədlərin yetkinlik yaşına çatdığını diqqətlə yoxladıqlarını təsdiqləyiblər.